Search
  • Jamil Doaihi

كلود ناصيف حرب: إنت الباقي عا طول


لو زعل القمر

كيف بقشع طريقي بالليل؟

كيف بحلم بعيون حلوين

ومرجوحة ياسمين؟

خبّيني حبيبي من عتم الايام...

خدني عا مدينه ما فيها عيون كذابين

وعسكر ناطرين...

فيها خيمه عا شط النهر

وأنا وإنت وطيور الفجر

وكلمة حبيبي اغلى من الدني...

وقصة حبّ عم تكبر

متل الحور الأخضر...

كلما بتمرق سنه.

***

عيونَك صلا

وهمساتك مرجوحه

بتودّيني فوق عبير الحبق

عا بلاد فيها نجوم ونبيد معتق...

وهالمقعد الأزرق

ما بيتعب من حكايتنا...

يزعلو ملوك الارض

يغضبو العواصف والرعد

بالمحكمة بقول:

انت الباقي عاطول.

انت القمر والوعد.

ورح تضل عا شفافي غنّيه

عنوانها الخلود

ونغماتها أرق من عطر الورود.

#كتاب

8 views