Search
  • Jamil Doaihi

كلاديس القزي: نصّان للحب والأشواق


1- من أجل عينيك

شو بحب دلّلك!

وديتلك هدية زغيرة

مع طير الغابة:

صورتى الحلوة مرسومة بخواطر روحي

تا تضل مطبوعة بذاكرتك

وما تقدر تمحيها...

حبيبي...

من اجل عينيك وطيبة قلبك...

سهرانة مع الليل...

ناطرة ع الشباك

مع ضو القمر

ودقة قلبك بسمعا جايي من بعيد

مع وراق الشجر

مع نسمة الهوا

وبيركض قلبي تا يلاقيك

ويقلك:

اشتقتلك من سنين.

***

2- صرت إتنفس حبّك

عشقتك قبل ما اشوفك

ولما شفتك

كنت اقرب من روحي

ومشي الدم بعروقي...

وصرت أتنفس حبك.

ريحة عطرك متل العنبر

نظرتك بتلمع متل النجوم

ضحكتك معزوفه رقيقه

ونغمة صوتك متل جرس العيد...

انت ما بيشبهك حدا...

لو شاف نيوتن عينيك

كان عرف انو الجاذبيه ما إلها قانون ...

انت مثل العاصفه القويه...

متل الجبل العالي

ومطرح ما بتكون يغارو الكل

من حضورك الساحر

من نظرة عينيك...

اسمك محفور بالتاريخ ...

انت أمير بنظري ...

وحبك أمل حياتي ...

وهلق صرت رفيقي بالليل والنهار...

حبك ابتسامة...

حبك أمان ...

حبك قصيدة ...

وبس تتوقف روحي عن عشق روحك

بيتوقف القلم عن الكتابة.

#كتاب

21 views