Search
  • Jamil Doaihi

كلود ناصيف حرب: خبّرني عنّك يا حلو


عيونَك ليل عم يكبر

لمّا بحْكي مع حدا...

لمّا بضْحك لحدا...

بيصيرو عتم الغابه

وغضب الموج.

وبحبّ عيونك يكونو هاديين

متل الحديقه الرقيقه...

متل القصايد الغميقة...

لا تخاف حبيبي

بحْكي مع الناس

تا ما إحكي مع حالي...

بس كلمة حبّ ما بقولها لغيرك

وإلك وحدك سهر الليالي

وغيرك خيالات عا المفرق...

بيتفرّقو متل ما الغيم بيتفرّق.

وهيك بحبك.

***

خبّرني عنّك يا حلو

كيف قلبك ودقاتو؟

بعدك بتتذكّر صوتي

والاّ نسيت نغماتو؟

بحبّك أنا بحبّك

ولولا سحر عيونك

كلّ القصايد ماتو.

#كتاب

4 views