Search
  • Jamil Doaihi

كلاديس القزي: يا قمر خبرو إني اشتقتلو


عم بكتب حروف تا إنسى وجعي وجعي اللي صرلو سنين مخبا بالروح غبت وما عدت عرفت وينك... رحت مع الغيم الأسود

مع طيور السما

مع مراكب البحَّارة

مع النهر اللي ما بيخلص

مع حكايات الطفولة

والذكريات اللي ما فيها الا صورتك الصورة اللي كنت اغمرها

كلما نام عا مخدتي

كانت تذكرني فيك

انت الاجمل

وما حدا بيشبهك

ولا رح تشبه حدا

انت الحب الأغلى من عمري... سنين ضاعو

والوقت سبقنا

وغابو اسامينا بعتمة النسيان بتذكرك ع المعقد الأزرق

تغمرني بعيونك الحلوين

وتهديني عقد ياسمين.

شو صار بيناتنا؟

ليش الربيع زعل

والقمر ما عاد يطل علينا؟ عم يهدر الشتي

وخيّم عتم الليل الحزين

والطرقات لما فيها حدا

غير الصدى

عم تسأل:

قولك رح تمرق عالهدا تا يضحكو عيوني من جديد

وإلبس تياب العيد؟...

يا ليل روح قول لحبيبي

اني بحبو

وَيَا قمر خبرو اني اشتقتلو...

ويا نجوم الليل ضوي طريقي بالفرح

والوجع يصير من الماضي تذكار.

#كتاب

0 views