Search
  • Jamil Doaihi

كلاديس القزي: عشق الولدنه


يا أول إنسان عشقت بحياتي

من ايام الولدنة...

بعدك ع بالي

يا قمر يا حلو

يا ساكن بخيالي...

حبك بقلبي

ورح تبقى جوات الروح...

بتذكر لمن تودعنا

تخبينا خلف البيت المهجور

قدمتلي وردة

وغمرتني

ورحنا بغير دني...

وكنت اول مرة بكتبلك :

"أنا بحبك".

ولا كنت بفكر رح نفترق

شي نهار...

صار القلب حزين

انت بقيت ببلاد بعيده

وانا طرت مع العصافير...

مرقت الأيام

وصرت اكتبلك

وإنت ما كنت تكتبلي

وهيك صار البعد جفا...

وضاع الحب مع النسيان

وسنين مرقو

ورجعنا التقينا

والتقيو عينينا

ولا كنت فيك تحكي

ولا انا حكيت...

وما حكي غير الحب

والذكرى من الماضي الجميل.

#كتاب

8 views0 comments