Search
  • Jamil Doaihi

كلاديس القزي: صوتو شو حنون


تلفنلي وسأل عني ...

"كيفِك"؟

وسمعت صوتو...

صوتو شو حنون!

ما عرفت كيف رديت..

وقع التلفون

رجف الصوت

وقلبي دق...

ما تزعلي قلي

رح نبقى سوا

انا وانتي والحب

خلي ثقتك فيي كبيره

والحلم رح يتحقق

قلتلو : "فزعانة من بكرا

في شي بدو يصير...

إحساسي بيقلي."

قلي:" معرفتي فيك

ما كانت عاديّه

انتي الهوا والنور

صورتِك محفورة بجفوني

ونور عيوني.

انتي اللي بحبِّك

وملكتي قلبي

والليل رح يحملني لعندك

تا إهديك تلج الشتي

وشمس الصيف

وزهر الربيع

وقلبي الغالي

وعشق الحروف

واكتبلِك ع شراييني إنّي بحبِّك

إنّي بحبِّك.

#كتاب

0 views