Search
  • Jamil Doaihi

كلود ناصيف حرب: أنا والصوره


شو اللي بيخليني

إتطلّع بها الصورة؟ وبقلها لا تغيبي من قدامي حبيبي متل السهم الراجع بيمرق بأحلامي. ما تلاقينا بالخيمه اللي فوق الغيمه... ما عطاني شال تا حطو عا شعري اللي طاير بالريح وكحل عيوني ما تغير، وكحل العشاق بيصير شتي ودموع. بحبو متل الورده البريه، متل الغنيّه... ويا صوره لا تروحي من قبالي تا اغمر حبيبي الغالي وبتبقي إنتي معي... ذكرياتي وموالي... ورح حطك بقلبي وإزرعك بجنينة تحت القمر العالي. ***. يوم اللي عرفتَك كانت حد الباب ياسمينة. تركتْ عا شالي نسمة عطر ولفظت حروف اسمك كانوا: ح ن ي ن. *** هونيك بالبيت خلف الشجرة اللي عا التلة العاليه بلشت الحكايه إنت تكتبلي وأنا فلفش اوراق الغابه وكلما هبّ الهوا تخلق حكايه وقلك انا جايي وروحي لروحك مرايه. *** سهرانه انا والليل عم جمعلك قطر الندى ووديلك صوتي والصدا تا قلك يا حبيبي: لا قبلك ولا بعدك حدا.

#كتاب

7 views0 comments