Search
  • Jamil Doaihi

كلاديس القزي: رح ضلّ إسمعك تا يخلص الزمن


إنت مين؟

وأنا وين؟

ليش الوقت علّقني فيك؟

ليش حروفك الحلوين فيهن وجع كبير؟

ليش الحزن بعيونك والألم بقلبك ؟

يا بحر اللي ما إلو حدود

بندهلك من بعيد:

حبيبي عطشان لحنانك...

ويا مراكب البحَّاره

حنّو عا قلب سافر مع اللي غابو ...

سنين مرقو والوجع عم يكبر

والغابة الحزينه

كلما تزورها بتوجّعك اكتر

وبقول: يمكن يجي شي نهار

وينسى وجعو...

وكلما بحسّ إني حدّو بكون بعيده...

***

بنده إلك وما حدا عم بيسمع...

وأنا رح ضَل ملاك معك

بقلبك وفكرك

ورح إسقيك من نبع عيوني

ورح ضَلّ أسمعك تا يخلص الزمن

من ورا الجبال البعيده

مع الصدى وصوتك الحنون

بيرفرف مع طيور السما

وشبّاكي الحزين مشتاق يشوفك لحظه

وكلما تكتب قصيدة للحب ّ

بشعر إنّي عم عيش فيها

وعم تندهلي

وساحرني حبّك...

أنا وانت خلقنا سوا

وجعك وجعي

وفرحك فرحي

وما حدا بينسّيك الوجع

غير القلب اللي حبّك.

#كتاب

13 views