Search
  • Jamil Doaihi

كلاديس القزي: إنت الدوا لقلبي


بس افتح كتابي

صورتك بتحاكيني

وبلاقي نظراتك بعيدة وبعيدة

وراء الغيم الأبيض

بصير بكتب مع القلم

والليل سهران

وحروف من دموع

وقصيدة ما كتبها حدا

والشمعة تبكي دمعة ورا دمعة

وعيون غرقانة بالحزن

ورح ابعتلك مع الفجر ورود

ومع ساعي البريد مكتوب

يخبرك عن حالي

وكلمات من دهب وغزل

قد مواج البحر

تا يخبروك عن قلبي الحزين

ووجعي...

وانت الدوا لقلبي

قولك رح نلتقي عن جديد

وتقلي:" بحبك "؟

والبيت المهجور يبقى لنا

ونعيش سوا

ونغني انا وانت

والنار حوالينا

وقلوبنا يدفو ويدفو

وننسى الوجع...

ليش الايام الحلوة راحت

وما بقي منها الا الصدى

عا الطرقات ضايعة

مع وراق الخريف مسافرة

وناطرة بزوايا المدينة

بعتم الليل الحزين...

ليش؟

يا ليل ضوى شموع

يمكن يجي حبيبي ع غفلة

وخبرو أني مشتاقتلو كتير

يمكن شوف خيالو

ع نهر ضيعتنا

ونبقى نحنا والقمر جيران

ونحكي الحزن والفرح

والذكرى اللي جمعتنا ...

***

وبقلك : "بتبقى حياتي...

وجع والم ع غيابك...

وانت الفرح لايامي الحلوة

وكل زهرة ربيع إنت إنت...

#كتاب

0 views