Search
  • Jamil Doaihi

كلاديس القزي: عشنا سهر الليالي


مبارح كانت الأميرة

مضيعة حبيبا

ولما طل اجمل الحلوين

غمرها الفرح

وكان اللون الأزرق لابقلو...

وانا والاحلى من الامير

ما رح نلتقي الا بسهرة من وحي الخيال

منحب ومنعشق من بعيد

والقمر مرسال بيناتنا

وكل ما تتلاقى عيوننا

بيغمزني برسالة حنين

وبيبقى حبنا بعيد ...

بُعد السما عن الارض ...

يا قمر الليل

اذا وديت مرسال بتوصلو لحبيبي؟

عم إسالك من قلب عشقان

حن القمر وجاوب : "نعم "

كتبتلك حروف من الم

من بعد غيابك اشتقتلك

ومن كتر ما حبيتك نسيت النوم

وصرت من عشاق السهر...

انا وانت خلقنا تا نكون سوا...

وقصتنا قصة حب ما بتزول

ويوم من الايام

رح نصير حكاية العشاق

واسامينا مكتوبة ع كتب التاريخ ...

وعد مني رح ضل ابعتلك مكاتيب

تا خبرك قديش بحبك ...

انت وانا والحب بحر ما إلو حدود

ورحله ما بتنتهي بالريح القويه

أنا وإنت قصيدة حب أزليه.

#كتاب

13 views