Search
  • Jamil Doaihi

أوجيني عبود حايك: مين نحنا بهالدني؟


مين نحنا بهالدني؟

يمكن غيمة صيف مارقة

يمكن حلم طويل

عا غفلة بينتهي

يمكن أسطورة انحفرت عا شجرة سنديان

وكل ما عصفت الريح بيعلى صداها بالوديان

يمكن نحنا وهم حكاية

نهايتها بإيد القدر

يمكن طيور عابرة بتودّع بالخريف

وبتبكي عليها دموع الشتي

يمكن نحنا خيالات عا حيطان

او اشباح والمراية كذّابة

يمكن نحنا زهور ملونة بحقلة ربيع

او فراشات بتحوم حول الضو

ولو بدها تموت...

يمكن تمثيلية متشابكة بالفرح والحزن

ابطالها فجأة بيخلص دورن

وبينطفي الضو

يمكن كلمات حروفها مبعثرة

كلّها رموز

لازم نجمعها تا نقرب عالحقيقة الغامضة

ونعرف سر الحياة والموت

ونحتكم اكتر للضمير

يمكن نحنا مش اكتر من كمشة تراب

اسمها إنسان

بنفخة هوا منطير

ومنصير حكاية

منصبر كذبة

منصبر غربة

عا طريق النسيان.

#كتاب

2 views0 comments