Search
  • Jamil Doaihi

كلاديس القزي: أنامل من ذهب


لا بتنام انت ولا انا

وضو القمر ع الشباك

وحروف سهرانة

والقلم يتغزل بالمحبرة ويقلا:

"بغْطس بسواد عيونك تا اكتب كلمتين

صرلي سنين ع ها الحالة تعبت وملّيت ..."

جاوبت المحبرة : "انا فرحانه ليش انت زعلان؟

قولَك تعبتْ مني

او بدك شي صبية تانيه تغمرك

وتكتبلا حروف العشق وتتغنج عليك"؟

ضحك القلم والأمير والمحبرة ...

وكفى الامير الرواية

بأنامل من دهب

وبعدا الأميرة سهرانة متل الملاك الحارس

بتغمرُه بحنانها

وهوي بيتغزل بعيونها وبيقول:

انت وانا يا حلوة الحلوين

يا عاشقة الليل

القمر بيحبّك

وأنا بحبّك...

وإنتي مش للقمر

إنتي إلي وحدي يا حلوة العينين.

#كتاب

0 views