Search
  • Jamil Doaihi

كلاديس القزي: جوا الروح


جوا الروح وانت الروح

باقة ورد وعطر الياسمين بقدملك

انا وانت سهرنا مع القمر

والموقدة وحنين الموسيقى...

قولك بعد بتتذكر

الليل ونجم سهيل؟

وين رحت يا حبيبي؟

كلما بتلمع النجمة الوحيدة بالسما بتذكرك

كلما بيتلاقو العشاق بتذكرك...

وبقول :" بكرا بيرجع "...

وناطرة مع الثلج الأبيض

مع البرد القاسي

يمكن تحنّ شوي

يمكن ترجع من بعيد مع الغيم الحزين

والبسمة ع شفافك...

القلب مشتاق

وعيون عم تبكي ع درج البيت

وأحزان ما بتخلص...

يا طير الفضا

يلي ساكن جوا الشجر

شي بوسة زغيرة

وقلب حبيبي

تحملهن عا جناحك الملون

تا افرح برجوعك

وزلغط وقول:

"هيدا حبيبي وباعتلي قلبو هدية ".

#كتاب

2 views