Search
  • Jamil Doaihi

كلاديس القزي: شو القصّة يا حبّ


شو القصة يا حب؟

من بعد ما سافرت

لا عدت حكيت ولا سألت عني...

قولك من بعد ما اختفيت

حسّيت بالفرح؟

او شي صبية جديدة لقيتْ بغيابي؟

بخاطرِك قلتلي...

وقلبي انكسر

تركتْ الحنان وصورتك بخيالي

تركت الحب

تركت السهر

تركت الجمال

وتركت عيوني الحلوين... ليش؟

يا غايب مع الريح...

مع وراق الخريف...

مع العصافير اللي رايحة صوب الدفا

شو صار... وليش صار فينا هيك؟

تركت قلبي هيك بردان

وقلبك بعيد مع الاحزان...

ما كان فيك تنطر شوي

تا خبرك قديش بحبك

ورحيلك معذبني...

صرلك سنين بتحكيني بجفا

وقلت بكرا بتتغير...

تاري إنت معلق بحب جديد

وأنا ضايعه بالاحلام

تخمين مش عارف

إنّو الحبّ القديم هوّي الأحلى والأغلى

وكل شي جديد بيكون وهم من الأوهام.

#كتاب

10 views