Search
  • Jamil Doaihi

كلاديس القزي: ضلّك تذكرني


كلما الريح تعصف بالليل

وكلما الطير الشادي يغرد ع الشجر

وكل ما الورد يزهر بموسم الربيع

وكل ما الموسيقى تكرج عا أوتار العود

ضلك تذكرني ...

انا وانت والموقدة والحب بتشرين

والقمر سهران ...

طال غيابك يا حبيبي...

تذكر الإيام اللي مرقو

تذكر غروب الشمس

ونور الصباح

وزقزقة الحساسين

وعطر الورد بالجنينة اللي حدّ البيت

حنّ ع الماضي والذكريات الحلوة

وعا الاميرة اللي ناطرة تا ترجع

وتسمع نغمة صوتك

ولحنك الدافي

وطير الغرام يغني مواويلك...

عم اركض بها الليل تا لاقيك وإحكيلك

ومن وجعي بناديلك

وبقلّك: بحبك ...بحبك ...

وحبك محفور بالقلب الحزين

عا طول السنين.

#كتاب

9 views