Search
  • Jamil Doaihi

كلاديس القزي: يا ساكن بالغابه


يا ساكن بالغابة

مع زقزقة العصافير

وهدير ألمي

فرشتك العشب

ومخدتك الأحلام الصعبه

ولحافك ورق الخريف...

يا لساكن بالغابة

قديش بتحبا تا تعيش معها كل ها السنين ؟

قولك هيي المرا اللي بتحلم فيا؟

او هيي الروح النابض بالحياة؟

او هيي الفرح؟

يمكن انت عايش مع خيالك

بتضلك تحاربو ويمكن ينكسر او يمكن لا ...؟

يا ساكن الحزن وما بتحكي مع حدا

قديش صرلي ناطرة تا تنسى الوجع

ابعتلي جواب مكتوب ع ورق

تا صير إركض مع الخيل وسابق الهوا ...

مرقت بين الشجر

من يومين او اكتر

دقيت عا باب الكوخ

جاوب الصدى

شفتو من بعيد

وقلبو حزين...

قلتلو :"يا حلو صرلي مدة ما بشوفك

ولا قلبك بيحكي ولا انت...

ليش الحزن بعيونك"؟

ما جاوبني وكانت دمعه بعيونو

وكانو تيابو مخزقين

فكرت يمكن الحرب ع البواب ...

ومن ورا الدمعه

اللي بتضوي متل الشمعه

تبسملي وقال:

"بفرح إذا كنتي معي يا حبيبة روحي

بنسى الوجع والأحزان...

انا وانتي سوا والغابة الحزينة...

وحبنا عالشجر تذكار" .

#كتاب

4 views