Search
  • Jamil Doaihi

كلود ناصيف حرب: يا عيون سهرانه


ما بعرف غيرك

وما بشوف إلاّ خيالك

مارق عا طرقات ضيعتنا...

ومتل الأميره بنطرك

تحت الياسمينه

والنجمه الحزينه...

وكنت ما بعرف إكتب

كيف كتبتلك هالرساله؟

وحكيت عن حالي

يا هالبحر الكبير

يا فرح المشاوير

وما حدا غيرك للأميرة

أمير...

قولك هالريح بترسم وجوهنا

عا ورق الخريف؟

قولك هالموجه بتاخدنا

عا شطوط بعيده

أبعد من حبر القصيده؟

كل شي بينتهي

وكل شي بيعتق

القصص

الطرقات

عطر الزنبق...

وحْدك اللي بتبقى

متل هالبحر الأزرق.

لو بتعرف قدّيش اشتقتلك

كنت طلعت عالسفينه

وتركت المدينه

وسافرت لعندي عا جزر الخيال

هونيك عنواني

وما حدا غيري بيضْوي قنديل السهر

تا يجي لعندي حبيبي

ونحكي ونحكي

تا يعْرق الشجر.

أنت حبيبي،

وما بقا من العمر كتير

وكيف بدّي حب غيرك

وشو بدي قول لو حبيت؟

ومتلك ما حدا...

وكل الناس من بعدك صدى...

حبيبي الغالي

يا روحي وموالي...

يا عيون سهرانه كرمالي

إنت القمر العالي...

وكلما عالمرايه

اتطلّع بحالي

بتكون إنت حالي.

#كتاب

7 views