Search
  • Jamil Doaihi

الشاعر د. جميل الدويهي: لحقت النهر


لحقت النهر عا مركبي لبعيد

تاري النهر ما راح عا مَطرح

منحْكي حَكي عا مسرح ومنعيد

هيك العمر... تمثل عا مسرح.

الغزال فوق رموش عينيّي

وخيبة أمل عم بيع بالفيِّه

الصوت الحلو ما بيلبق عليّي

ولا حالتي عالسكت عم إشرح.

يا هالشجر عم ترجُف قبالي

لا تخاف: إسمي طير الحقالي

راح العمر وبقيت مع حالي،

ولأيش بدّي إجمع وإطرح؟

بالعيد عم إلبس هوا تشرين

وضحكه إلي من شفاف مجروحين

لحقت النهر تا شوف هوّي مين؟

مريه انكسر بروازها من سنين

والذكريات قزازها بيجْرح.

#كتاب

0 views