Search
  • Jamil Doaihi

كلود ناصيف حرب: الطريق صَوب الأمل


عتبان القمر...

بعتلي رساله من بين الشجر

قللي: ما رح اطلع من ورا الغيمه

من وقت اللي ما لبستي بلوزة الحرير

تخبيت وزعلت كتير

وما عندي بيت

من هلق تا يخلص الشتي.

رديني عا فرحي...

خليني المح عيونك الحلوين

واذا كنتي غافيه

ابعتيلي صوره...

وما بيفرح إلا بضحكة عيونك

هالقمر الحزين.

ما في حدا بالليل إلا ورده وقمر

والبحيرة مش بكي

البحيرة غنية حب...

من هيك الورده نغم

والقمر قصيده

وانا وانت يا حبيبي

قصة والقمر والورده.

القمر ما بيروح من السما

والورده بتحكي عطر

كلما بيضوي قمرها فوق البيوت.

ليل وقوضه مضويه

وانا وانت وأسرار

وشو حكينا وما حدا بيعرف مطارحنا غير الموقده والنار؟

يا مركب ناطرنا لا بقا تنطرنا

ولو سألت عنا الريح قول: تاخرنا

انت رح تعتق

والبحر رح يعتق

وانا حبيبي هون

ما بيسافر الا ببحر عيوني

وما بيلبّسني الا الضحكه

اللي هيي أغلى من الكون.

#كتاب

2 views