Search
  • Jamil Doaihi

كلود ناصيف حرب: تسلملي إنت يا حلو


بتقلّي: تسلميلي...

وشو بحب تقولها

بحس اني بأمان لما بسمعها منك

وبحب غنيها عالوتر...

مع طير الشجر...

وتسلملي إنت يا حلو

يا أحلى من القمر.

رح تابع الطريق صوب الأمل

بركي هالطريق بتوصلني لعندك

مطرح ما في حب وحنان

ويسهرو عينيك تا اغفا....

كيف ما بروح لعندك وكل طريق انت؟

يا مرافقني بعتم الليل...

يا قمر سهران عا بابي

وبتخاف عليي...

وبتنزل من السما تا تغطيني من برد الايام.

ما فيي شوفك حقيقه

وهيك بتروح السنين ومنكبر

وكل يوم الشوق بيكبر

والحنين بيصير شجره فوق المدينه...

يا حارس هالليل بتطلع فيك وبسأل حالي:

أي متى رح ترتاح؟

أي متى رح شوف ضحكه بعينيك؟

مره بس التقي فيك

تا قلك قديش بحبك

اكتر من روحي وقلبي وحياتي...

وانا خلقت تا حبك.

#كتاب

0 views