Search
  • Jamil Doaihi

كلاديس القزي: طارت روحي مع الريح


طارت روحي مع الريح

وصلت ع شباكك...

دقت دقة دقتين مش اكتر

هيي ومستحيي

طليت تا تشوف مين؟

حسّيت ببوسة ناعمة

وغمرة زغيرة

ونسمة الربيع طيرت شعرك الناعم...

او يمكن فكرت عصفور الغابة

اللي ما الو حدا

يمكن عطشان او جوعان...

ما لقيت حدا...

تعجبت !!!

بس انا بقيت كل الليل معك

ارسمك بخيالي

وما ابعدك عن نظري

حتى القمر غار مني

شو تمنى هالقمر غنجو الو

وإسهر معو...

يا ها الليل اللي ما الو نهاية

تركني انا وحبيبي...

هوي الدوا

وإذا فيي روح...

كرمالو عايشة انا.

#كتاب

10 views