Search
  • Jamil Doaihi

كلاديس القزي: احبسْني كلمه


تْركني وما تسأل عني

انسى اسمي

وإنّك كنت حبيبي ...

انا غايبه مع الريح

مع طيور الغابه

اللي مسافرين عا بلاد بعيده

متل الحلم كنت...

وشو صعب النسيان ...

وصعب الالم والأحزان...

إنت كنت الدفا بأيام البرد

ونسمة هوا بالصيف...

والنجمه الحنونه بها الليل

بتسألني شو مبكيني؟

يا ها القمر بالسماء

يا نورك الضاوي

حبيبي معذبني

بيحسبني كلمه بحروفو

بيكتبني وبيمحيني.

***

إنت اللي كنت وحدك إلي

اكتر من حالي حبيتك

وجوا ضلوعي خبيتك

واسمك غالي عليّي ...

نقيتك بين كل البشر...

ورسمت صورتك بكتابي...

بس هلق بقلك

يا وردة حنيني

اتركني ولا تفكر بعد اليوم

انك تحكيني.

#كتاب

3 views