Search
  • Jamil Doaihi

كلاديس القزي: الورده العطشانه


دقيت بعد فتره قصيره من الوقت

فتحتلّي الباب

تفاجأت!

وغمرتني بقوه

وما صدقت إنّي رجعت

قلتلك: "ما تتركني وحدي

انت الهوا اللي بتنفسو

ومن دونك حياتي عذاب

ضحكت وقلتلّي:

انتي أميرتي

ما نسيتك ولا دقيقه

يا ساكنه بروحي...

وين كنتي غايبه؟

وما عدت عرفت أخبارك؟

كنت ضايع من دونك

سألت حالي مية سؤال

وجواب واحد ما لقيت...

جاوبتك حبيبي:

"كنت سجينة الأحزان

والايام المرّه

والغيره والحسد

والبكي...

كنت بالقصر الحلو

عايشه بلا حب

كنت دبلانه متل

الورده العطشانه

مشتاقه لهمسه حنان...

مشتاقه الك حبيبي...

وهلق من بعد ما رجعت

بُوعدك ما إتركك بعد اليوم

ولو خيروني بينك وبين الكل

بختارك انت

لانك الاجمل...

لأنك حبّي الأوّل".

#كتاب