Search
  • Jamil Doaihi

كلود ناصيف حرب: عيونك شو حلوين


عيونك يا حلو

بخبيهن وين؟

ما عندي مطرح بيساع الليل...

ما عندي خزانه بتساع الأحلام...

ما عندي صندوق للحنين...

ولوووه عيونك شو حلوين!

رح خبيهن بقلبي

تا ما يهربو هالزغار المشتاقين...

وهيك بحبك.

بيني وبينك مسافه قريبه

وابعد من البحر...

بيني وبينك شارع... شارعين مش اكتر

. بس قد السما وأكبر...

وكل نجمه مضويه هيي حنيني

وهيك بتمرق سنيني.. .

بشتقتلك بشتقلك

وكل لحظة غياب يا حبيبي

هيي العذاب.

واللي بيبقى كلمة بحبك.

مكتوبه بحبر عيوني

عا وراق الكتاب.

وهيك بحبك.

ما بيتسكَّر شباكي

والقمر زعلان ما بعتلي خبر...

قولك يا هالليل سافر عا مدينة بعيده

وتركني وحيدة؟

لا. هوي بيحبني وحدي

هيك قالتلي البصارة

وقالت لي رح يشتريلي

من سوق الدهب أسواره.

وانا فتحت شباكي تا يرجعلي

ويفوت عالبيت يغفا حدي

عالمخده...

انا وحبيبي والليل

وغير حبيبي ما بدّي.

لو بقدر اتطلع بالبحر

تا اعرف اسرارو

لو بقدر طال القمر

تا علقو قنديل

بالشجره حد الباب.

لو بقدر كل يوم شوفك

وأتأمل عينيك يا حبيبي

واسمع شو بيقولو من غير ما يحكو...

أتركني بعينيك

ومش رح ارجع عالبيت

انت قمري وسفري

وغيرك ما حبيت.

#كتاب

3 views0 comments