Search
  • Jamil Doaihi

مريم رعيدي الدويهي: قصّة حبّ قصيرة


غلّت يمامه بشجرة العنّاب

وصارت تتسرّق عا تنين حلوين

تسمع أخبارهم

وتنقل حكي...

وتخبّر عن قصّة حبّ

من قصص الخيال...

فرحت الغابه لضحكاتهن

وغارت النسمه من عطر لفتاتهن...

وما عاد الليل يشكي من الضجر...

ولا تعبو العينين من طول السهر.

***

ومن بعد مدّه

نزلت ضبابه

متل تياب الحطّابين

ومحيت صورهم

وتشلّع حلا الإيّام

وانكسر برج الحنين...

ما بقي من هاك الحكايه غير الصدى...

بكيت الغيمه عالمقعد

والزمان تجعّد

عا وراق الورده.

#كتاب

0 views