Search
  • Jamil Doaihi

كلود ناصيف حرب: ضيعت عنواني


ضيعت عنواني

وما عرفت انا من وين...

نسيت اسمي

حتى كحل العينين

انتي مين؟

سألوني..

ما بعرف أنا مين...

تشردت ودموعي بكل ميل

قولكم النسيان نعمة ام نقمة؟

بشو بقدر اخدمك يا هالصبية الحلوه؟

سألني حارس الليل...

قلتلو: نسيت كل العمر

واليوم ضيعت مفاتيح قلبي...

قولك كيف برجع فيق من غفوة النسيان؟

وسلم عا ناس كتار ما عرفتْهم هالعين...

قللي الحارس: القمر رح بيطل

وتبقي اضحكي للنجوم

ووقت اللي بيدق قلبِك

بتنسي الهموم...

وفعلا صار هيك

طل القمر من شبّاك بيتو...

وطل الحبيب...

ولما شفتو قلبي دق

وحليتْ المواعيد...

تذكرت اسم حبيبي...

وكل همساتو الحلوة...

رجعت عا عالعالم اللي نسيتو...

تاري لما بتغيب بنسى انا مين...

وبس تطل يا قمري

بيغني طير الحنين.

وهيك بحبك...

#كتاب

0 views