Search
  • Jamil Doaihi

كلود ناصيف حرب: وحدك كلّ الناس


متل هالغيمه البيضا،

متل هالقمر السهران

عا بواب الحنين،

متل هالبحر اللي بيروح وبيجي

تا يزورنا وما يبقى...

بتزورني حبيبي،

وبيحكو عيونك معي.

وصوتك رقيق،

عطر وأحلام

وفرحة الإيام.

من الحروف بتلبّسني إسواره،

وبتمرجحني عالغنيه...

وبتقلي: كلما سهرت كرمالِك

بفْرح يا أحلى صبيه...

وين بلاقي حدا متلَك بيحب تا يعطي؟

وبيغطّيني بالضحكي؟

وبيزعل وما بيحكي؟...

حبَّك ياسمينة قلبي،

وعطرك أكبر من الكتاب...

ووحدك وحدك عندي كل الناس

وكل الأحباب...

وهيك بحبَّك.

#كتاب

1 view