Search
  • Jamil Doaihi

كلود ناصيف حرب: الحمامه البيضا


هالحمامه البيضا

شو بتشبهَك حبيبي...

برقتك...

بمحبتك...

بإخلاصك....

بطيبة قلبك...

وبصوتك الأحلى من الهديل

ودّيتها لعندك تا تغنيلك

لحن الخلود...

وتخبّرك قديش بحبك.

***

هالحمامه البيضا بلون بلوزتي

وشو خبّرتها عنّك؟

قلتلها: روحي لبعيد...

ولا تخافي...

قلبو طفل زغير

ورح يغنّجك

ويشوف عيوني بعيونك...

وصوتك متل صوتي

هيك هوّي قال...

وما حدا بيحبّني متل ما هوي حبّني

أنا الشمس والقمر والموّال

أنا ضحكة الشلال

أنا الحبّ اللي ما بيخلص...

ورح يودّيلي معك سلام

وبوسه من بعيد...

وضحكه من عيونو هيي العيد

وفرح المواعيد...

وهيك بحبّو.

#كتاب

6 views