Search
  • Jamil Doaihi

كلود ناصيف حرب: نغمات صباحيه


القهوه

كيف بشرب القهوه وانت مش معي؟

بتخيلك عم تحاكيني وانت مش موجود...

بتقول البصاره: صحيح... هوي بالفنجان

بعد كم إشاره يمكن ياخدك عا حصان ابيض

عا قلعة ورا الغيم....

وهلق عم يضحك لعيونك

وعم يزعل لانو ما بيشوفك إلا بالأحلام.

وليكي شو مكتوب هون:

بحبك بحبك بحبك...

قالها تلات مرات منشان تعرفي قلبو قديش حلو هالحلو.

ولا تكسري الفنجان تا تبقى صورتو عندك...

صورة قمر نوار...

ورح تبقو سوا وما رح ينتهي المشوار.

وجودك

بس أشعر بوجودك معي

كل الاحزان بتروح...

بس اسمع نبض قلبك وعطر أنفاسك

كل الوجع بيصير ضحكه.

هلقد قلبي بيحبك...

ولا يوم بيتحمل جفا.

وانت شو انت؟

غير قمر حياتي

وبحر بيغمرني بالفرح...

يا ملاك بيرافقني.

يا نجمه عالطريق..

يا سر قلبي العميق.

ومتلك ما حدا.

حبيبي انت انت انت...

وهيك أنا بحبك.

ورده

الورده البيضا فرح عمر.

وبس يجي الخريف بتدبل الروح.

والورده الحمرا قلب بينبض بالخير .

والك يا حبيبي عبير الخلود.

#كتاب

4 views