Search
  • Jamil Doaihi

كلود ناصيف حرب: حنين الروح


نبض القلب...

حنين الروح،

أحلامي اللي بترافقني فيها،

وبوعى من لهفتي عليك.

والفجر بيذكرني بعينيك.

وأغاني الطيور هيّي صوتك

وضحتك اللي بتسحرني وبتغيرني.

إنت غير الناس،

وما حدا بيعرف يحب متلك...

وأنا هلق معك ومشتاقتلك...

وهيك عا طول بحبك.

كل ورده

هيي رساله من قلبي إلك.

باللون الأحمر بكتبلك حبيبي،

باللون الزهري اللي بتحبو،

وكان مره عا شفافي ضحكه،

واللون اختفى لما زعلنا،

وليش تا نزعل؟

وإنت بقلبي معبد وشموع

وفرح أعراس.

إنت إنت إنت...

عا مد النظر كل جنينة ورد.

ولو ما أنا بقلبك

كان الحبّ انكسر متل قنديل،

وما بقي عالأرض حدا بيحبّ...

إنت وأنا الغِنيّه

والنجمه الصبيه...

نغمة عُود... للخلود.

حكايه حلوه

بحرسها برموش عينيّي.

وهيك بحبّك... بحبّك... بحبّك.

#كتاب