Search
  • Jamil Doaihi

كلود ناصيف حرب: نقطة ضعفي


كان في قنديل معلق بالشجره

الحرامي سرقو.

وين بلاقي نور زغير؟

يمكن بعيون حلوين... هربانين.

وانا والوعد ناطرين.

ويمكن نختْير

وكيف بعدين رح نلاقي سنين؟

والأيام وقعو متل الورق الأصفر..

. وما حدا بيشتريك يا دهب تشرين.

هالضحكه ما يعطيها لحدا

جواهر غاليه...

سر من أسرار جرحي...

بعطيها بس الك يا حبيبي.

ازرعها عالمخده.

علقها صوره.

وكلما مرقت من حدك قلي: حبيبتي...

تا تحلا الدني.

نقطة ضعفي هالابتسامه الحلوه

ونقطة ضعفي كلامك

ونقطة ضعفي عطر تيابك

ونقطة ضعفي حنيني الك...

انا مش انا.

انا نقاط ضعف.

وهيك بحبك.

نبض القلب...

حنين الروح...

أحلامي اللي بترافقني فيها،

وبوعى من لهفتي عليك.

والفجر بيذكرني بعينيك.

وأغاني الطيور هيّي صوتك

وضحتك اللي بتسحرني وبتغيّرني.

إنت غير الناس،

وما حدا بيعرف يحب متلك.

وأنا هلق معك ومشتاقتلك...

وهيك عا طول بحبّك.

انت القمر اللي ما بيغيب

ليل ونهار.

شتي وصيف.

بشوفك بالأحلام

يا ساحر ما بينام.

وكيف ما بحبك؟

هالطير الأبيض

بيطير وبيبقى مطرحو.

مش رح يتعب

ما بيخاف من الشتي

وبيحب شتي عيونك حبيبي

.انت ومعي.

بعدك على بالي ...

يا قمر الحلوين ...

يا قلب المحبين .

يا شمس تشرين..

.وغناني الطير قبالي .

رغم السفر والمرفأ الغريب،

رغم الزمان اللي بعّدنا...

إنت يا حلو قمر قصايدنا.

وعيونك الحلوين رح يبقو موعدنا

. بقلك صباح الخير

مع أغاني الطير.

وتذكرني حبيبي مع كل طلعة شمس.

وبصرخ "بحبّك" من هون لآخر الأرض،

ولو كان بالهمس.

وهيك عا طول بحبّك.

#كتاب

3 views0 comments