Search
  • Jamil Doaihi

كلود ناصيف حرب: رتّبت المواعيد


عا الموعد جايي حبيبي

يخطف نظره من عيوني بعيونو

رح أسرق من نجوم الليل

اكليل النور تا كحل عيوني

ومن عطر الندى سحر الكون

ومن سلة الورد اقطف قصص وحكايات

وتقلك كل الكلمات:

الك وحدك انت انت انت

رتبت المواعيد يا فرح العيد.

انت قمر العيد

وفرح المواعيد

انت الشجرة المضويه...

وأجمل هديه من السما.

ولو ما انت الناس...

ولا انسان بيعنيلي

يا فرح طل عليي بعد سنيييين طويله...

واكتر من هيك بحبك.

كيف بيقولو القمر عالي

وحقو عشر ليالي؟

وهالقمر بيضل قبالي...

بيخاف عليّي

وبيتسرق عالشباك لما بغمّض عينيي...

وكل يوم بيقلي: في حرامي بالحي.

والحرامي بيسرق عيون سود كبار

واذا سرق كحلة عيونك بينطفي نوري

وما بعود اسهر عا باب الدار...

وبيقولو الناس:

يا حرام عا هالقمر

من كتر ما انقهر

وقع من السما عا الأرض...

وانكسر.

#كتاب

7 views0 comments