Search
  • Jamil Doaihi

كلود ناصيف حرب: إنت مرايتي


التضحية مراية المحبه،

وإذا المحبة كانت بدون تضحيه،

المراية بتنكسر.

عا فكره:

إنت مرايتي

وعا طول بتطلّع فيك...

بتطلّع بحالي.

عيونَك كل الحنين.

وانت وردة المحبين...

وبس قول ما بفكّر فيك...

بكون عم فكّر فيك

وحنيني بيكسر البواب

بيقطع بالعاصفه

تا يفوت عا احلامك

وتشوف روحي

يا روحي قدامك...

هيك بحبّك

واكتر من هيك بحبّك.

كل صورة فيها حكايه

وانت كل الحكايه

وعيونك مرفأ الحنين...

والبدايه.

أحلى كلمه بتقولها:

بشكر الله عليكي...

وما فيّي إنسى

جمال هالكلمه.

#كتاب

4 views0 comments