Search
  • Jamil Doaihi

كلود ناصيف حرب: بالعِيد... أكتر من بحبَّك


شو لازم قلك بالعيد؟

كل الحكي انقال.

كل الهدايا عتقو وتخزقو العلب.

وبعدو قلبي اللي حبك.

قلبي ما بيهرب تحت الشتي.

ما بيتغطى بالتلج

وصورتك يا قمر هيي النبض للروح.

وكيف بقدر امحي صورتك

وهيي مبروزة بضلوعي؟

بقول بحبك؟

شو الحب؟

شو الحنين؟

يا قدر بيكحل عيوني...

وقديش بتحب عيوني الأعمق من الليل؟

قديش بتحب صوتي وضحكتي الرقيقه؟

بالعيد مش رح قول بحبك...

اكتر من بحبك بكتير.

وهيدي هيي الحقيقه...

اشواقي شجره مضوايه

وبشوفك حدي وانت بعيد

وبكل يوم جديد.

حبي الك هوي فرح العيد.

وهيك بحبك.

#كتاب

0 views