Search
  • Jamil Doaihi

كلود ناصيف حرب: شو حَياتي إلاّ إنت؟


قلبي بينبض بحروف اسمك.

قلي الطبيب: أول مره بشوف قلب هيك بينبض

خمس حروف بالدقيقة.

قلتلو: بحبو هالحلو من زغرتي...

واللي مزعلني ما قدرت التقي فيه.

وهيك بحبك

واكتر من هيك بكتير

يا فرح العمر.

شو حياتي إلا أنت انت انت؟

وشو قلبي؟

.ضمير مستتر تقديره أنت.

بتأمل فيك بصمت...

وصمتي بيصرخ وما بقدر حاكيك

تا قلك بحبك بغير كلمات...

بغير لغة...

بعطر الزنابق...

اكتب لك حبيبي عالشجر وعالقمر

يللي عيونك مرفأ لحنيني

وحبك الي عمري وسنيني.

وهيك بحبك.

عا قد ما الليل بيساع نجوم،

عا قد ما التلج بينزل من السما،

عا قد ما الأحلام بتركض فينا،

وبتاخدنا من ليالينا...

هيك بحبّك

وكلما صوتك يروح مني،

بيروح منّي الفرح.

يا قلب متل التلج أبيض ونقي...

يا روح ما بتغيب من روحي.

ما فيك تتصوّر قديش أنا بحبّك.

ما فيك تتصور.

#كتاب

5 views