Search
  • Jamil Doaihi

كلاديس القزي: قلبك متل طفل زغير


بخاف عليك من العتمه بخاف تعذبك الليالي الصعبه وما تعود تنام ... وأيام تضيع بالغابات وما حدا يلاقيك... يا ها القلب اللي شاغل قلوب البشر عا السكت ومن وجع قلبك ما بتعرف لا النوم ولا بتعرف ترتاح صار السهر عندك حكايه والقلم والمحبره

بتحكي معهن بحروفك اللي متل الدهب وبيبقو يعذبوك

تا يربحو شوية غنج

من ايديك الناعمين ... سنين مرقو والليل صار نهار والنهار بعدو نهار

وما راح لمطرح والعينين الحلوين تعبو من قصص العشاق والورده والنسيم انغرمو ببعضن وما بقى بدن يفترقو وانت ناطر الحب تا يوصل من بعيد ع جناح شي طير

بس يمكن الصياد ناطر بها الغابة العتيقه

ويمكن يوقع ويختفي

متل ما اختفيو كتار قبلو ... وبتبقى النهايه صعبه عليك

ودموعك ما بيقدرو ينشفو

وبيصيرو يبكو ع السكت ... والقلب اللي عشقك يتعذب بغيابك

والريح تمرجحو

لا الحكيم معو الدوا

ولا قلبك بيقدر يعشق من جديد .

#كتاب

9 views