Search
  • Jamil Doaihi

مريم رعيدي الدويهي: حارس الليل


حارس الليل ما بيغْفى دقيقه

مقلّق وعالدني مشغول بالو...

قاعد عالعرش عم يحيّك من النور طرحه

تا تنوّر الساحات

وبالضيعه تكْمل الفرحه...

بيلحقنا وين ما رحنا

وإذا عا غفله رفّ جفنو

بينْشف الزيت بالقنديل

والعتم بيغطّي مطارحنا.

بيتخبّى ورا الغيمه

تا يساير النجمات

وهنّي بيحفظو الأسرار...

وما بيحكو لا بالليل

ولا بالنهار.

عايش حياتو متل ما بدّو

بينزل من الجبل

وبيتسرّق من خلف الحفافي

وكلما طلع عا بَالو

بيفُوت عا بيوت الناس

أو بيشلح نظره من الشبّاك

تا يوعّي الجفن اللي نايم...

ما حدا عاشق متلو

بيطوّل بالسهريّه

وبيتغزّل بالصبيّه.

اللي شاغلّي بالي كتير

كيف هالمرايه بتوقع بقلب البير

وبتضلّ تضْوي عالشجر الأخضر...

وما بتتكسّر؟

#كتاب

5 views