Search
  • Jamil Doaihi

كلود ناصيف حرب: أنا الوحيده بكتاب الورد


رح ينام القمر بكير...

تعبان من كتر ما سرح بالليل.

وتنقوز عالشبابيك والحيطان.

تركلي خيط زغير عا شباكي

وكتب بحبر الليل:

انا بحبك انتي انتي انتي

ولو شي مره زعلنا...

انتي صورة مطبوعة بعيوني...

ولو كنتي بعيده

بقشعك وين ما بتكوني.

وبحرسك بجفوني.... وهيك بحبِّك.

لأنك فرحان اشتريت هالبيت...

انا بنطرك عالسكيت

وانت بتتصيد من البحيره دهب وياقوت

بيلبقو عا فستاني...

لا تتصيد اميرات

تا ابقى وحيده عندك

وما تنساني

انا الوحيده بكتاب الورد...

وعيونك يا امير الليل

هنّي عنواني ...

وهيك بحبك.

هيدا القمر غير القمر...

هيدا جاسوس... مخبر

بعتتو تا يسرق نظره من عينيك

ويرجع لعيوني المشتاقه.

الشباك مفتوح

والبردايه عم بتلوح...

وتا ابقى مخبايه مش مسموح.

هيك قال القمر ...

وقال: خليني شوفِك بالليل...

ولو كانت الفواكه بالنظر.

#كتاب

0 views