Search
  • Jamil Doaihi

كلود ناصيف حرب: إنت كل الناس بعيوني


ابتسامتي شعاع حقيقي من أشعة الشمس

وانت الشمس...

ابتسامتي نور دافي بعتمة الليالي

وانت قمري ...

ابتسامتي نسمة رقيقة عا جفوني

وانت عيوني ..

ابتسامتي سحر جمالي

وانت رونقها ..

ابتسامتي سر وجودي

كانت منك وإلك ...

لا تسألني

لمين أنا بكون

يا نور العيون ..

هالضحكه لمين؟

وليش هالعيون زعلانين؟

قولك مني او من عذاب السنين؟ ...

انت كل الناس بعيوني

والناس غيرك خيالات

عالارض ماشيين.

يا ساكن بعيوني

وما بشوفك بعيوني.

برضى بالقليل

والنطره من زمان طويل.

وبتكفيني هالابتسامه الحنونه...

ومعليش.. معليش.. .

بالأحلام ايديك يغمروني.

وين الصورة؟

كل مرة بسألك عن الصوره ..

وبنطر منك صورة متل كل مره ..

بتعرف شو ؟ هالمره ما عاد رح اسالك

لأنك أنت صورتي ومرايتي

وكل حكايتي ..

يمكن انطر منك شي ورده وغنيه وهديه

وكمشة قصايد بتحكي عني وعنك...

كلامك احلى صوره

وابتسامتك بتكمل الصوره..

وانا بشوفك وين ما كنت

لوحه حلوه

وبشوف بعيونك صورة عيوني...

يا اغلى من عيوني.

#كتاب

4 views