Search
  • Jamil Doaihi

كلود ناصيف حرب: حكايتنا متل مَوج البحر


بعدني عا وتر الحلم

عم أعزف أمنيه

عم لحِّن أمل

وعم اكتب نغم

ورتل أشواق...

كيف بخبرك انك العالم

وكيف بقلك قديش بحبك...

كيف كيف؟

حكايتنا متل موج البحر ..

لحظه الشوق بيجمعنا

ولحظه ع شط الحب بيشلحنا. ..

وبتبقى انت انت كل الحكاية

وبقلبي مخبايه ..

وهيك بحبك .

الورده مش رح يمحيها الشتي

رغم الوجع...

رغم البعد...

رغم الشعور بالخيبه.

زرعتها بقلب نقي...

قلب ما بيتغير.

هوي الك وحدك انت انت انت.

يا قمري اللي بعيوني عم يسهر...

وبحبو اكتر من روحي..

وكل يوم بحبو اكتر.

كتاب الحنين

وشموع مضويه

والقوضه الزغيره فيها انا وانت

وعطر الياسمين...

وهيك بحبك انا يا كتاب عمري...

يا حكايه ما بتمحيها السنين.

الغالي اللي بيتو بالعالي

قلبو حديد.

ولا مره بيفكر يمسكني بأيدي

ويحكيلي قصة حب جديده...

وانا سافر بالخيال

عا مدينه بعيده

خلف الجبال.

هيك بدنا نبقى؟

نشتاق... تتعذب ونشقى؟

مره يا عمر تجمعنا...

بس تا يتطلع بعيوني

ويقلي كلمه حنونه

حبيبي هوي حبيبي..

وهوي القمر اللي سارح فوق جفوني.

وهيك بحبو.

#كتاب

20 views0 comments