Search
  • Jamil Doaihi

كلود ناصيف حرب: مسا الخير يا زنبق الدار


كنت حدّك واشتقتلك

وكنت بعيده واشتقتلك.

انا عصفورة الحنين

فيّي إهرب من الغابات

وإتخبا من الشتي...

بس خبّرني وين فيي إتخبا من اشواقي

يا روح قلبي ويا عمري اللي راح

ويا عمري اللي باقي...

خبّرني .

مسا الخير يا زنبق الدار...

يا ضحكة الفرح داير مندار.

فرحت بعيونك وما شفتك إلا لمحه

وقلبك كان عم يحكي معي

كلام شعر غالي كتير

ونظرة من عيوني

انطبعتْ عا قميص الحرير

وهلق بيشوفو الناس

وبيعرفو هودي عيوني

وهيدي كحلة جفوني

وبيسألوني...

ورح قلن بحبك انت انت

وما بعرف حدا إلا إنت

وهالنظرة الحنونه...

وهيك بحبك.

#كتاب

3 views