Search
  • Jamil Doaihi

كلود ناصيف حرب: بنطر سلامك


بنطر سلامك عا نار

مشتاقة اسمع منك همسة حنان

ونغمة أمان ...

شو بيطول الوقت

قبل ماوجك ما يطل

مع نور الشمس وسحر الكون ...

غابة من التحيات والأماني

من قلبي بببعتلك ...

من هلق لاخر المدى

جمعت مع نسمات الندى

حياة لروح ما بتعيش

إلا معك يا روح الروح...

لا تغمض عيونك بوجع انا...

مش عارف اني بعيونك؟

حاكموني وشلحوني بقلب هالعتم.

كنت فكر انو السواد مش حلو.

والليل بيخوف...

لا . مش رح اطلع من هون

لو عطيوني الكون.

ويسامحني القاضي...

انا بحبس بعيونك بغفا

وبسافر مع الأحلام.

ورح ضل اسكن بعيونك...

من هلق تا يخلصو الايام.

عم فكر فيك يا قمر الليل

قولك الحلو فاكر ليالينا

أو ناسينا؟

مساء الياسمين

يا رموش الغاليين

يا فكرة عميقه بكتاب الحنين ..

حبي الك بحر وسما ونجوم عاليين

واكتر من هيك بحبك يا احلى الحلوين.

#كتاب