Search
  • Jamil Doaihi

مريم الدويهي: بعْدو حبيبِك عالوعد


نطرتَك بكّير عالمقعد

بجنينة منتور وفلّ

قبل ما تُوعى خيوط الشمس

وعيون الناس تعرِفنا

تأخّرتْ وانشغل بالي

وصرت إحكي مع حالي

وبعد ما تعبت من الانتظار

مرق إنسان غريب

وشافني حزينه

سألني: مين إنتي

يا صبيّه أحلى من الياسمينه؟

وليش زعلانه؟

قلتْ: تأخّر عليّي حبيبي

خايفه يكون ضيّع طريقو

أو راح مع مرا غريبه...

قال: لا تخافي...

بعدو حبيبِك عالوعد

وما نسيكي بعد...

هوّي جايي من مطرح بْعيد

تا يغرق بعيونك

ويفرحو عيونك...

وجايبلك من الورد غمار

تا تعبّي المزهريّه

ويضْحكو بْواب الدار.

#كتاب

5 views