Search
  • Jamil Doaihi

كلود ناصيف حرب: منشرب القهوه سوا


بس كون حدّك بشتقلك

بس كون بعيده عنك بشتقلك....

ما عندي اصحاب الا الحنين

لعيونك الغاليين...

بتامل فيهن

وبشكر الله عليك

لانو عطاني قصيده

ما كتبتها بايدي...

وكلما تطلعت بجفونك

بتطْلع من قلبي تنهيده.

أميرة صغيره

زينت المزهريه المليانه ورود

للصبيه الناطرة حبيبها

بعد هالغيبه الطويله...

كبرت الصبيه الحلوه

وتغيرت الأيام

وتبدلت الأحلام

والكلام بعدو بعدو

وبقلب المزهريه في كمشة أشعار

وغابه من الجمال

تركها حبيبها...

وهلّق هيّي وعم تكبر

كل يوم بتشوف حبيبها

جايي تا يزورها مع ليل وخيل...

والورد غطّى الساحه من ميل لميل.

قلت: منشرب القهوة سوا

وهيك بيضل يمرجحنا الهوا...

انت بتشرب شفة مُرة

وبتحليها يضحكة حلوه من قلبك لقلبي...

ونسمة هادية من شجر الاحلام

بتداعب شعري بانغام ...

انت بتخبرني قصص العشاق ...

وبسحر كلامك بتكحّل عيوني

وقديش حلوه هيك الإيام

ع كتفك إغفى ونام ...

وقلّك: هيك بحبك ⚘

السفينه بتاخدنا وبتجيبنا

والبحر بعيد...

القمر مناره...

ولولا هالقمر عا ايا مدينة منوصل

تا نكمش الارض اللي هربت من ايدينا؟

لا تعتب يا زمان

اذا قلنا انك كنت قاسي علينا...

ومن اول ما خلقنا لهلق

ما نمنا عا مخدّة حرير.. .

ولا غمضنا عينينا.

#كتاب

5 views