Search
  • Jamil Doaihi

كلود ناصيف حرب: شو تغيّر الكون


الورده اللي زرعتها عا بابي

بيسحرني عبيرها...

بغمّض عيوني وبقول:

لعيونك انا مشتاقه

من كم سنه ما تطلعت بعيونك

شو تغير الكون

من يومها ما عدت اعرف الليل من النهار

ولا داقو عيوني النوم

قولك رح إرجع شوف سحر عيونك

وتسلّم عليي يا حلو

متل ما كنت كل يوم؟

لعيونك حبيبي حروف ما بتموت

وعا شباكك وردة قلبي

اشتقتلك من هون لابعد من الكون...

وصوتك البعيد فرّحني وجرحني ..

واحلى شي انو زعَلي منك

بيذكرني فيك..

من هيك بِفرحي ما بنساك

وبعتبي عليك بلتقي فيك...

يا ساكن بكل المطارح

وكلما تضيع مني يا فرح عمري

بعيوني بلاقيك...

وهيك بحبك.

جمّعتلك باقة ورد

من حديقة ابتسامتك الغميقه...

رح تشمّ عطرها وحنينها ...

هيدا طائر الحنين

ضاع بالسما من سنين...

وبيتسرق من الشباك

تا يلمح عيوني الحلوين.

وهيك بيحبني

وأنا حبيتو

لأنو أغلى الغاليين.

#كتاب

2 views