Search
  • Jamil Doaihi

كلايس القزي: قفلت الباب


قفلت الباب وتركتني قدام البيت ناطره والدمع بالعين ما عرفت شو عملت ؟ وليش الجفا؟ ما بدك تحكيني ؟ طيب... اسمعني ... تا دافع عن حالي ما تسمع كلام الناس... كلام الناس ما بينتهي والوجع كبير بالقلب... الثقه اللي مبنيه ع الحب هيي اللي بتدوم وما حدا بيقدر يكسرها... وين راحت ها الثقه؟ يمكن طارت مع ورق الخريف ماتت ع طرقات المدينه او يمكن بقيت بزوايا البيوت ... لو فيي اعرف شو صار ؟ خبرني ! انا خايفه تتركني ما تسكر باب البيت بوجهي أيد الشر بتقوى ما تخليها تغلبنا... حياتي من دونك عذاب ... يا اغلى من عيوني انت بغار عليك من الهوا ورح ضَل ناطره تا تفتح باب قلبك وتعرف الحقيقه وتقلي تفضلي بعتذر ...جرحتك...

#كتاب