Search
  • Jamil Doaihi

كلادس القزي: كلمات مكتوبه عالشجره العتيقه


ما بعرف شو صار؟

وليش انمحيو الكلمات الحلوين

من دفتر العشّاق؟

وليش اختفيت صورتي عن عيون البشر؟

واختفى حنانك وحبّك إلي...

كلّ يوم حبّي إلك بيكبر

والوجع بيزيد أكتر

كلّما إتذكرّك بعشقك من جديد...

وإنت بعيد

والطير اللي كان يبعت إلي رسايل حنين

ما بقى رح اقشعو تخمين...

وما بقى رح يغنّيلي

أغاني الحب الجميله...

سافر لبعيد

ونسي المواعيد...

ما تزعل يا طير

ما تزعل عا الحبايب

وعدي إلك

إنّو رح يبقى حبيبي حبيبي

ولو ما بعتلي صوره

قلبي معرض صور

وما يكتبلي كلمه

الكلمات مكتوبه عالشجره العتيقه

وهيّي الحقيقه...

ورح ضَل قلّو: بحبّك

والكلمه ما بتنمحى.

#كتاب

6 views