Search
  • Jamil Doaihi

كلود ناصيف حرب: قلّي إنتي حلوه


هالصوره بترجعني زغيره...

بتخلصني من الزمن اللي رايح

وكلّ زمن بيروح لعندك...

بيوقف عا بابك

وبيغلّ بتيابك...

صوره وحيده بتقلي:

لا بقا تكبري.

روحي لعندو وقوليلو:

إنت حبيبي...

خلي هالكحل يزيح من محلو

ويهرب الخوف...

غمره وكلمه وبسمه

يكونو كل الوجود...

ونصير نحنا بوسة حنين...

وغنية خلود.

بس ينامو عيونك

شوفني بالاحلام...

الحلم ما بينام

اهديني ورده...

كلمه...

وقلي انتي حلوه

تا تحلا الايام.

غيابك حنين...

وأنا والقمر عالشباك ناطرين.

هيك بتغيب عني دقيقه...

والدقيقه أطول من سنين؟

#كتاب

3 views