Search
  • Jamil Doaihi

كلود ناصيف حرب: يا رفيق السهر


كل صباح من غير ابتسامة عيونك

بيكون ليل...

لا قمر بيطلع

ولا نجمه بتضوي...

وكل عتم بيمرق فيه خيالك

بيصير حديقة نور.

وبتسالني: لمين ابتسامة عيوني؟

الك وحدك خلقت ابتسامتي...

ولو ما انت بحياتي

كنت بشلحها بالنسيان

وبعمّر خيمه للاحزان.

وهيك بحبك انت انت انت...

يا رفيق السهر..

يا احلى من القمر.

اول مرة بيطلع من صورتك عطر...

بيعبي البيت...

بيكسر قزاز اللحظة.

العطر بيمشي من مطرح لمطرح

بيفوت بتيابي وبيحكي معي...

بيقلي: تسلميلي...

هيك بيقول امير انتظارك.

وهيك بيحبك.

لمين هالضحكه اللي متل حرير السهل؟

متل مراية الزنبق...

عيونك شغل ساحر

بيعرف انو لازم اتعذب بس شوفك.

هالساحر مرجحني عالمواعيد...

ولما رحت عالعيد

ما لقيت حدا.

هرب الزمان...

وبقيت انا وخيالك...

وكان خيالك حدي بس عني بعيد.

وهيك عا طول بشتقلك.

#كتاب

6 views