Search
  • Jamil Doaihi

كلود ناصيف حرب: شمسية من نور عيوني


عطيتَك شمسيه من نور عيوني

وما بتروح ولا يوم

من كحلة جفوني.

قَلي: لا تلعبي تحت الشتي

بخاف عليكي من البرد

بخاف الشتي يبلل عيونك

وتزيح كحلة رموشك اللي بحبها،

وتمشي عا بحر النسيان

وتتركي قلبي العشقان

ويسرح عا شعرك الاسود مطر نيسان

وتنسي حبيبك اللي حبك من زمان...

قلتلو: لو بتعرف يا حبيبي

قديش بحب العب تحت الشتي

انا أركض تحت المطر

وانت تجن تا تلاقي شمسية

منتخبى تحتها

وتغمرني بحنيه

وتقلي متل كل يوم:

هيك انا بحبك يا اغلى صبيه.

شاردة فيك

ولحروفك عم غنيك يا دقة قلبي يا نور عيوني يا رقة احساسي يا لحظة خلودي هيك انا بضل فكر فيك...

وأكتر من هيك بحبك.

#كتاب

3 views